Tarteak Txangoak, Tontorrak - Kronika

Hernio mendizarreko gailur aipagarria den Herniozabalera (1.011 m) irteera

Egun zoragarria izan da. Ausartentzako modukoa. Haizearen astindua antzeman dugu, eta euria jaso dugu aurpegian, baita lokatza oinetan ere. Aurreikuspen guztiak gainditu dira. Eta, jakina, etortzerik izan ez duzuenok falta bota zaituztegu.

Herreratik, Donostiatik eta Andoaindik abiatu gara. Eguraldiak abentura nola joango zen zalantzak izatera eraman gaitu, baina Tolosaraino abiatzera animatu gara, non ibilbidea hasten baitzen.

Udazkenaren aniztasuna zoragarria da: zuhatzetatik erori berriak diren hostoz egindako bide alfonbratuak, Fanny basoa aztertzen eta perretxiko ederrak topatzen, ikuspegia apaintzen duten animaliak...

Edozein gauza txikik gure barreak piztu ditu, eta horrela are gehiago gozatu dugu, gurasoek haurtzaroan kontatzen zizkiguten istorioak -pertsonaiak apur bat aldatuta- gogoratuz.

Ez da erraza izan tontorrera iristea, baina merezi izan du. Pena bat izan da bistez gozatzerik ez izana; Xabik ederrak direla dio, baina gaurkoan ez dira gure begien eskura egon.

Inésen gailetak probatu ahal izan ditugu. Mila esker, Inés, gurekin partekatzeagatik.

Ikuspegi itxia izan badugu ere, ahuntz talde handi batekin eta behor batzuen artean janaria banatu ahal izan dugu, erorita zetzan gurutzea bere lekuan jarri, lanbro artean -susto bat emateko asmoz- ezkutatu zaigun Denis aurkitu...

Itzultzeko garaia iritsita, euria izan da ibilbidearen bigarren zati honetako protagonista. Natura behatzeko beste modu bat. Une batzuetan, ingurura begiratzeko gelditu gara, eta den-dena prozesu baten parte dela ohartu, urtaro bakar batera mugatuko bagina antzemango ez genukeena.

Ez gara igoerako bidetik itzuli, Anoetara jaisteko erabili dugun beste bat ezagutuz. Iritsi garenean, gure artean aipatu dugu trenera igotzeko arazoak izan genitzakeela, kontuan izanda genekarren lokatz mordoa. Askotan erori baikara; baina guztietan altxatu ere bai.

Bidean ez dugu iturririk aurkitu, baina bai sagar gozo askoak, txangoa amaitzeko indarra eman digutenak.

Ibilbidea amaitzea lortu dugu, denbora oso atsegina igaroz, eta erronka gaindituz. Gehiago iritsiko dira eta prest egongo gara.

Eskerrik asko guztioi egun hau esperientzia bikaina bihurtzeagatik. Itzuliko gara!

Claudia Ferrera