Kronika Hitzaldia 8M: "Izan zirelako gara eta garelako izango dira"
Martxoaren 8ko arratsaldean berriro elkartu gara La Palmeran. Bilera berezia izan da, gaurkoan Mª Eugeniak dinamizatutako hitzaldi bizi eta entretenigarria izan baita, bide honetan laguntzeko gune bihurtu duena, betiko modura. Aurrena, talde honen parte garen emakumeen aniztasuna erakusten duen aurkezpen bat ikusi dugu, gure senidetasuna eta, gure sarean elkar babesten badugu, zeinen urrun iritsi gaitezkeen azpimarratuz. Ondoren, gaurkoan gela honetara ekarri gaituen gaiari buruz sakontasunez hitz egin dugu: "FEMINISMOA".
Funtsean, feminismoa gizon eta emakumeen arteko berdintasunaren printzipioa eta emakumeen kontrako bortizkeria eta bazterkeria ezak bultzatzen dituen inplikazio politikoak dituen gizarte mugimendu bat da. Baina, nola bizi du gutariko bakoitzak? Bertaratutakoen iritziak ezagutu ahal izateko, koloretako paper itsasgarriak erabili ditugu, zeinetan feminismoa guretzat zer den idatzi baitugu, hala nola guztiok feministatzat hartzen gaituzten ala ez, besteak beste.
Gure iritziak ez dira gehiegi urruntzen feminismoaren funtsezko kontzeptutik: eskubide berdintasuna, diskriminazio eza, eta abar. Atzera-begiratu bat eginez gero, mugimendu honek gure bizitzetara ekarri dituen ekarpenak topatuko ditugu; asko izan dira aurrerapausoak, asko berdintasunaren norabidean izandako lorpenak, baina ezin dugu ahaztu lortutakoan atzerakada ez izateko berebiziko une ari garela bizitzen.
Hitzaldi honek feminismoa bizitzen ari den etapaz kontziente izan gara, baita mugimendu honetan dauden alderdien aniztasunaz ere. Feminismoaren muinak benetazko berdintasuna indartu nahi du eta genero-desberdintasunen inguruan gizartea sentsibilizatzea. Alabaina, galdera hau egin zaigu: denok al dugu lekua feminismoan? Erantzunak, gu bezain anitzak: ez nahitaez; bai, baina ez gara horretaz kontziente, eta abar. Beirazko sabaiak, lur itsaskorrak, "Queer" pertsonak, trans legea, alokairuzko sabelak… aztertu ditugun gaietako batzuk dira, ez nahi genukeen sakontasunez, denbora asko beharko litzatekeelako horretarako, baina, hala eta guztiz ere, gure aurrekoek erdietsitako aurrerapenak eusteko lanean jarduteko konpromezu pertsonala jartzen da mahai gainean.
Emakume bezala, hezitzearen pribilegioa dugu, bai gure seme-alabak, bai ikasleak eskola zein institutuetan, eta gizartea oro har, horregatik gure zeregina izan behar da gizarteari ez uztea eskubide-berdintasuna interesatzen ez zaion zerbait bezala ikusten. Aro digital honetan, belaunaldi berriak bereziki berri faltsuak eta gehitzen ez duten gezurrak jasotzeko etengabeko arriskupean daude; gaur egungo haur eta nerabeak biharko gizon-emakume berdinzaleak izango dira soilik feminismoari eta berdintasunari buruzko egiazko informazioa helarazten badiegu.
Garbi dago mugimendu feministan pitzadura garrantzitsuak daudela, eta horretaz baliatzen dira berdintasunik eza ukatzen duten muturreko taldeak, zeinek bortizkeria hutsaldu eta gai hauetan aurrerapenak dakartzaten legeen kontra diharduten.
Gure ezaugarri den aniztasunak ekarri duen iritzi trukaketa aberats honetatik, batzen gaituzten bi premisa daudela ondorioztatu dugu: batetik, gure aurretik bidea ireki zuten eta gaur egun ditugun eskubide askoren ahalbidetzaile izan ziren emakumeekiko esker on sakona; eta bestetik, feminismoaren alderdi ezberdinen artean aldeak egon arren, helburu amankomun dugula: "egiazko eskubideen berdintasuna, bazterkeriarik eza eta emakumeen aurkako bortizkeriarik eza". Bakoitzak gure lekutik gizarte-kontzientziazio hori gauzatu dadin lagundu dezakegu, hesiak hautsiz.
Mila esker Mª Eugeniari bere ezagutza partekatzeagatik, eta La Palmera posible egiten dutenei hemen elkartzen garen emakume migratuei hazteko guneak eskaintzeagatik.
Laster arte,
Martha Ortega
