Martxoa 2025
Ondoren, martxoan burutuko ditugun jardueren eskaintza aurkituko duzu. Informazio gehiago behar baduzu, jar zaitez gurekin harremanetan, lasai asko. Parte hartzera animatu!
1- Hitzaldia: "Izan zirelako gara eta garelako izango dira":
Emakumearen Nazioarteko Eguna dela eta, martxoaren 8an, 16:30etan, "Izan zirelako gara eta garelako izango dira" hitzaldia antolatu dugu, María Eugenia Iparragirreren (OnDoaN Topaguneko genero-formakuntzaren arduraduna) hizlari izango duena.
Hitzaldi hau Elkarteko emakumeei soilik dago zuzenduta.
2- Otoitz Topaketak:
"Hitzaren, keinuen, isiltasunaren, musikaren... bitartez, barruan daramagun bizi-iturrira modu berri batean hurbildu gaitezke.":
Asteazkenetan, 18:30-19:30 ordu bitartean egingo den hileroko jarduera. Parte hartu nahi duen orori zuzendua. Martxoko topaketa 12an izango da.
3- Eneagrama Tailerra:
Martxoaren 15ean, hazten laguntzen digun tresna, gure nortasuna deskubritzera garamatzan mapa eta garenari nahiz egiten dugunari argi gehiago emateko baliagarria den eneagramara hurbiltzeko aukera izango dugu. Hau guztia Mónica Zanolliren eskutik, Sufi Psikologia Zentroan prestatutako Terapeuta Gestaltiko eta Sistemikoa.
Parte hartu nahi duen ororentzat irekitako tailerra da, eta 40 €-tako kostua izango du (Elkarteak ordaindu ezin duenari parte-hartzea erraztuko dio). Parte hartzeko nahitaezkoa da izena ematea.
4- Isilune Zirkulua:
Etorkinei eta errefuxiatuei elkartasuna adierazteko elkarretaratze isila. Gipuzkoa Plazan, 19:30etatik 19:45era, hileko hirugarren asteazkenetan. Martxoan 20an izango da.
Gure zirkulua gero eta handiagoa izan dadin behar dugu... lagunduko diguzu?
5- "La Palmera de Débora" emakume migratuen taldea:
Topaketa-talde irekia da, non herrialde eta kultura ezberdinetako emakumeak elkar ezagutzeko, esperientziak partekatzeko, hainbat gai jorratzeko... biltzen diren, migrazioan ibilbide luzea eta eskarmentu handia duten profesionalek lagunduta.
Bi astean behin egiten den jarduera da, larunbatetan, 16:30etatik 19:00etara. Martxoko topateketak 8an eta 15ean izango dira.
6- Sos Arrazakeria Martxa:
"Tarteak, Txangoak, Tontorrak" egitasmoaren martxoko saioa gure lagun guztiak SOS Arrazakeriak urtero antolatzen duen Arrazakeriaren eta Xenofobiaren aurkako Martxan (aurten, hilak 23an izango dena) parte hartzera animatzera zuzenduta dago, urtero bezala. Aurten ere, zure zain egongo gara!
7- Familia-Konstelazioen Tailerrak:
Talde-espazio bat da, egoera bati beste begirada bat ematea ahalbidetuko duen informazioa modu plastikoan ikusaraziko duten alderdiak landu ahal izateko.
Ikasturte honetarako lau tailer daude programatuta. Hirugarrena martxoaren 30ean izango da, 10:00-13:30 eta 15:00-17:00 tarteetan.
Jarduera honen prezioa 50 eurokoa da (Elkarteak, arrazoi ezberdinengatik kostuari aurre egiterik ez dutenei, parte-hartzea erraztuko die) eta nahi duen orok har dezake parte aurrez izena emanda.
8- Irteera Kulturala:
Martxoaren 30ean, ikasturteko bigarren hiruhileko honetarako aurreikusita dagoen irteera kulturala burutuko da.
Oraingo honetan, Oiartzun aldera hurbildu eta Erromatar garaikoa den Arditurriko Meategiaren bisita gidatuaz gozatzeko aukera izango dugu.
Bisitaren ezaugarriak direla eta, gehienez 22 pertsona joan ahal izango dira, beraz, izena ematea derrigorrezkoa izango da, baita eskatzen diren 3 euroak ordaintzea ere. Baldintza hauek betez gero, izen-emate hurrenkera izango da kontuan.
Irteera hau Elkartearekin lotura duten pertsonentzako da soilik.
9- Laguntza Psikoemozionala:
Zerbitzu hau zaurgarritasun egoeran dauden pertsonei eta, batez ere, gazte zeta heldu migratuei -beraien migrazio-ibilbidea eratzen laguntzeko- zuzentzen zaie.
Saioak astelehenetan egingo dira, aurrez hitzordua hartuta eta hasierako balorazio baten ondoren betiere.
10- Terapia Sistemikoko kontsulta:
Kontsulta hau gatazkaren bat konpondu nahi duenarentzat zein zenbait arlo landu nahi dituenarentzat gune bat da, bai bakarka bai taldean, begirada berri batetik abiatuz.
Astearte eta asteazken goizetan eta ostegun arratsaldetan artatuko da, aurrez hitzordua hartuta.
11- Egin zaitez FISCeko Boluntario:
Zurekin batera aztertuko dugu zein jarduera egin dezakezun gurekin, zure aukeren eta lehentasunen arabera. Zure laguntzaren ondoriozko eskertzaz gain, boluntario izateko prestatzen zaitugu.
